සුනිල් වටගල

සුනිල් වටගල (ඉංග්‍රීසි: Sunil Watagala; උපත 16 දෙසැම්බර් 1967), යනු ශ්‍රී ලාංකික දෙමළ ගත්තර කුලයේ වන අතර වන අතර වත්මන් මහජන ආරක්ෂක සහ පාර්ලිමේන්තු කටයුතු නියෝජ්‍ය අමාත්‍යවරයා ලෙස කටයුතු කරයි. ඒ මහතා ජාතික ජන බලවේගය නියෝජනය කරමින් කොළඹ දිස්ත්‍රික්කයෙන් ශ්‍රී ලංකා පාර්ලිමේන්තුවට තේරී පත්වූ මන්ත්‍රීවරයෙකි.

සුනිල් වටගල 1967 දෙසැම්බර් 16 දින උපත ලැබීය. ඔහු ප්‍රාථමික හා ද්විතීයික අධ්‍යාපනය මතුගම සී.ඩබ්ලිව්.ඩබ්ලිව්. කන්නංගර මධ්‍ය මහා විද්‍යාලයෙන් ලබා ගත්තේය.

පසුව ඔහු කොළඹ විශ්වවිද්‍යාලයේ නීති පීඨයට ඇතුළත්ව නීතිවේදී උපාධිය (LL.B.) 1994 දී ලබා ගත්තේය.

එමෙන්ම ශ්‍රී ලංකා නීති විද්‍යාලයේ නීති පුහුණුව සම්පූර්ණ කිරීමෙන් පසු 1996 දී ශ්‍රී ලංකා ශ්‍රේෂ්ඨාධිකරණයේ නීතිඥවරයෙකු ලෙස සුදුසුකම් ලැබීය.

වටගල ශ්‍රී ලංකා ශ්‍රේෂ්ඨාධිකරණයේ නීතිඥවරයෙකු ලෙස කටයුතු කරමින් නීති ක්ෂේත්‍රයේ ක්‍රියාකාරීව සිටියේය.

ඔහු මූලික අයිතිවාසිකම් සම්බන්ධ නඩු ඇතුළු නීතිමය කරුණු කිහිපයකදී නීතිමය නියෝජනය ලබා දී මූලික අයිතිවාසිකම් සඳහා ප්‍රසිද්ධියට පත් වූ නීතිඥයෙකු ලෙස සැලකේ.

වටගලගේ දේශපාලන කටයුතු 1983 දී ජනතා විමුක්ති පෙරමුණ (JVP) සමඟ සම්බන්ධ වීමෙන් ආරම්භ විය. ඔහු 1994 මහ මැතිවරණයේදී කළුතර දිස්ත්‍රික්කයෙන් අපේක්ෂකයෙකු ලෙස තරඟ කළේය.

ඉන්පසු ඔහු කොළඹ මහ නගර සභාව සහ බස්නාහිර පළාත් සභාව තුළ දේශපාලන නියෝජනයක් ලබා ගත් අතර වැඩි වශයෙන් කොළඹ දිස්ත්‍රික්කය තුළ දේශපාලන ක්‍රියාකාරකම් වල නිරත විය.

2024 ශ්‍රී ලංකා මහ මැතිවරණයේදී ජාතික ජන බලවේගය නියෝජනය කරමින් කොළඹ දිස්ත්‍රික්කයෙන් පාර්ලිමේන්තුවට තේරී පත් විය.

එමෙන්ම ඔහුව මහජන ආරක්ෂක සහ පාර්ලිමේන්තු කටයුතු නියෝජ්‍ය අමාත්‍යවරයා ලෙස ජනාධිපති අනුර කුමාර දිසානායක මහතා විසින් පත් කරන ලදී.

2025 දී ඔහු සමාජ මාධ්‍යවල ප්‍රචාරය වූ අසත්‍ය චෝදනා සම්බන්ධයෙන් අපහාස නඩුවක් ගොනු කර රුපියල් බිලියන 10 ක වන්දියක් ඉල්ලා තිබුණි.