රංවල ආරච්චිගේ අශෝක සපුමල් රංවල (ඉංග්රීසි: Ashoka Ranwala), හෙවත් අශෝක රංවල, යනු ශ්රී ලාංකික දේශපාලනඥයෙකි. ඔහු 2024 නොවැම්බර් 21 සිට 2024 දෙසැම්බර් 13 දක්වා 22 වැනි කථානායකවරයා ලෙස කටයුතු කළේය. ඔහුගේ අධ්යාපන සුදුසුකම් සම්බන්ධයෙන් ඇතිවූ ආන්දෝලනාත්මක තත්ත්වය හේතුවෙන් කථානායක ධුරයට පත්වීමට දින 22කට පසු ඔහු එම ධුරයෙන් ඉල්ලා අස්වීමට තීරණය කර තිබුණි. ශ්රී ලංකා ඉතිහාසයේ කෙටිම කාලයක් කථානායක ධුරයේ දැරූ පුද්ගලයා ඔහු වෙයි. ඔහු ගම්පහ දිස්ත්රික් පාර්ලිමේන්තු මන්ත්රීවරයෙකි.
ගරු අශෝක රන්වල | |
|---|---|
| Ashoka Ranwala | |
| ශ්රී ලංකාවෙහි පාර්ලිමේන්තුවෙහි 22 වන කථානායකවරයා | |
| තනතුර දරමින් 21 නොවැම්බර් 2024 – 13 දෙසැම්බර් 2024 | |
| ජනාධිපතිවරයා | අනුර කුමාර දිසානායක |
| අග්රාමාත්යවරයා | හරිනි අමරසූරිය |
| නියෝජ්ය | රිස්වි සාලි |
| පූර්වප්රාප්තිකයා | මහින්ද යාපා අබේවර්ධන |
| අනුප්රාප්තිකයා | ජගත් වික්රමරත්න |
| ගම්පහ දිස්ත්රික්කය සඳහා පාර්ලිමේන්තු මන්ත්රී | |
තනතුරුධාරී | |
| තනතුර දරමින් 21 නොවැම්බර් 2024 | |
| බහුතරය | 109,332 |
| පුද්ගලික තොරතුරු | |
| උපත | ශ්රී ලංකාව |
| ජාතිකත්වය | ශ්රී ලාංකික |
| දේශපාලන පක්ෂය | ජාතික ජන බලවේගය |
| වෙනත් දේශපාලන සම්බන්ධකම් | ජනතා විමුක්ති පෙරමුණ |
| රැකියාව | දේශපාලනඥ |
| වෘත්තිය | රසායන ඉංජිනේරු |
දේශපාලන ජීවිතය
අශෝක රන්වල ජාතික ජන බලවේගය (NPP) නියෝජනය කරමින් ශ්රී ලංකා පාර්ලිමේන්තුවට තේරී පත්වූ දේශපාලනඥයෙකි.
ඔහු ශ්රී ලංකාවේ දහවන පාර්ලිමේන්තුවේ කථානායක ලෙස ද පත් වූ අතර එම ධුරය රටේ තුන්වන උසස් රාජ්ය තනතුරක් ලෙස සැලකේ.
2024 දෙසැම්බර් මාසයේදී ඔහුගේ අධ්යාපන සුදුසුකම් සම්බන්ධයෙන් ඇති වූ විවාදයක් හේතුවෙන් ඔහු කථානායක ධුරයෙන් ඉල්ලා අස්විය.
ඔහුට ජපානයේ වාසෙදා විශ්වවිද්යාලය සමඟ සම්බන්ධ පර්යේෂණ ආයතනයකින් ලබාගත් බව කියන ආචාර්ය උපාධියක් සම්බන්ධයෙන් ද මෙම විවාදය උද්ගත විය.
විවාද සහ සිදුවීම්
2025 දෙසැම්බර් 11 දින සපුගස්කන්ද ප්රදේශයේ සිදුවූ රථ අනතුරක් සම්බන්ධයෙන් අශෝක රන්වලගේ නම පුවත්මාධ්යවල වාර්තා විය.
ශ්රී ලංකා පොලිසියට අනුව ඔහු පදවාගෙන ගිය ජීප් රථයක් මෝටර්සයිකලයක් හා අනතුරුව වෙනත් රථයක් සමඟ ගැටීමෙන් පුද්ගලයන් කිහිපදෙනෙකුට තුවාල සිදු වූ අතර එම සිද්ධිය පිළිබඳව පසුව විමර්ශනයක් ආරම්භ කරනු ලැබීය.
එම සිද්ධිය සම්බන්ධයෙන් ඔහු අත්අඩංගුවට ගෙන පසුව ඇප මත මුදා හැරිය බවද වාර්තා විය.
එම අනතුරෙන් පසු මහර මහේස්ත්රාත් අධිකරණය විසින් ඔහුගේ රියදුරු බලපත්රය තාවකාලිකව අත්හිටුවන ලෙස නියෝග කර ඇති බව ද පසුව වාර්තා විය.
පෞද්ගලික ජීවිතය
අශෝක රන්වලගේ භාර්යාව වනුයේ වෛද්යවරියක් වන ඉන්ද්රානි රන්වල ය.
මැතිවරණ ඉතිහාසය
| මැතිවරණය | මැතිවරණ දිස්ත්රික්කය | පක්ෂය | ඡන්ද | ප්රතිඵලය | මූලාශ්ර | |
|---|---|---|---|---|---|---|
| 2024 පාර්ලිමේන්තු | ගම්පහ දිස්ත්රික්කය | ජාතික ජන බලවේගය | 109,332 | තේරීපත් වෙයි | ||