හේමාල් රණසිංහ

හේමාල් සචින්ද්‍ර රණසිංහ (උපත 1984 අගෝස්තු 25), යනු ශ්‍රී ලංකා සිනමාවේ, සහ රූපවාහිනියේ නළුවෙක් මෙන්ම නිරූපණ ශිල්පියෙකු සහ රූපවාහිනී වැඩසටහන් ඉදිරිපත් කරන්නෙකු වෙයි. ඔහු 2016 සහ 2018 යන වසර දෙකේදීම දෙරණ චිත්‍රපට සම්මාන හිදී 'හොඳම නළුවා' සහ 'වඩාත් ජනප්‍රිය නළුවා' සඳහා විචාරක සම්මානය ලබා ගත්තේ ශ්‍රී ලංකාවේ නූතන සිනමාවේ ජනප්‍රියම නළුවෙකු බවට පත්වීමේ නිමිති පහල කරමිනි. රණසිංහ නිරූපණ ශිල්පියෙක් ලෙස සිය වෘත්තීය ජීවිතය ආරම්භ කළේ වෙළෙඳ දැන්වීම් කිහිපයකම පෙනී සිටිමිනි. ඔහු 2012 දී සිය සිනමාවට පිවිසියේ සුපර් සික්ස් හි පෙනී සිටිමිනි. 2016 දී ඔහු හිරු රන් සිනමා සම්මානය හිදී ජනප්‍රියම නළුවා සහ හොඳම බලාපොරොත්තු සහිත නළුවා දිනා ගත්තේය.

හේමාල් රණසිංහ Hemal Ranasinghe
උපත	හේමාල් සචින්ද්‍ර රණසිංහ 25 අගෝස්තු 1984 (1984-08-25) (වයස 41) මාතලේ, ශ්‍රී ලංකාව
අධ්‍යාපනය	මාතලේ ශාන්ත තෝමස් විද්‍යාලය
වෘත්තියs	නළුවා, නිරූපණ ශිල්පියා, රූපවාහිනී වැඩසටහන් ඉදිරිපත් කරන්නෙකු
සක්‍රීය වසර	2012 – වර්තමාන
උස	187 සෙන්ටිමීටර (6 ft 2 in)
Parents	සේනාරත්න රණසිංහ (father) විශාකා චිත්‍රාංගනී මැදිවක (mother)

මුල් අවදිය

රණසිංහ 1984 අගෝස්තු 25 දින මාතලේ හි උපත ලැබීය. ඔහුට වැඩිමහල් සහෝදරයන් දෙදෙනෙකු සහ එක් බාල සහෝදරයෙකු සිටී. ඔහුගේ මව විශාකා චිත්‍රාංගනී මැදිවක මෙන්ම ඔහුගේ පියා, සීයාද ආයුර්වේද විශේෂඥ වෛද්‍යවරුන් වේ. 2010 සැප්තැම්බර් 23 වැනිදා හේමාල් චිත්‍රපටයක රූගත කිරීම් කරමින් සිටියදී ඔහුගේ පියා සේනාරත්න රණසිංහ මිය ගියේය. ඔහු මාතලේ ශාන්ත තෝමස් විද්‍යාලයයෙන් ද්විතීයික අධ්‍යාපනය ලැබීය.

කලාව තමා තෝරාගත් වෘත්තිය කර ගැනීමට ගත් තීරණයට තම මව සහ පියා යන දෙදෙනාම සහයෝගය දැක්වූ බව ඔහු ප්‍රකාශ කර තිබෙනවා. රණසිංහ සටන් කලාව පිළිබඳ ප්‍රවීණයෙකු වන අතර එය ඔහු තම රංගන දිවියේ මේ වන විටත් භාවිතා කරන බව ඔහු පවසයි. පෞද්ගලික ආයතනයක රැකියාවේ නිරතව සිට ඇති අතර ඒ සමඟම නිරූපණ ක්ෂේත්‍රයට පිවිසීනි. පසුව සිය වෘත්තීය ලෙස මෙරට කලා ක්ෂේත්‍රය තෝරා ගන්නා ලදී.

වෘත්තීය දිවිය

ඔහුගේ පළමු රංගනය සුපර් සික්ස් චිත්‍රපටය සමග සනිටුහන් විය. ඔහුගේ ඊලග චිත්‍රපටය වූ ප්‍රවේගය හි ඔහුගේ භූමිකාව වෙනුවෙන් හිරු ගෝල්ඩන් ෆිල්ම් සම්මානය 2015 වසරේ ජනප්‍රියම නළුවා, 2015 සරසවිය සම්මාන හි විශේෂ ජූරි සම්මානය, සහ සිව්වන දෙරණ සිනමා සම්මාන උළෙලේදී "2015 වසරේ ජනප්‍රියම නළුවා" සම්මානය දිනා ගත්තේය. හේමාල් රූපවාහිනී වැඩසටහන් ඉදිරිපත් කරන්නෙකු ලෙස මුලින්ම ඉදිරිපත් කළේ හිරු ටීවී ඔස්සේ විකාශය වූ ‘‘ආයෙමත් ආදරයෙන්’’ රූපවාහිනී වැඩසටහනයි. ඔහු 2014 සිට 2015 දක්වා ස්වාධීන රූපවාහිනි ජාලයේ විකාශය වූ "ඊළඟට මොකද වෙන්නේ" ටෙලි නාට්‍යයේ රඟපෑවේය. 2021 දී ඔහු අසම ලියනගේ විසින් අධ්‍යක්ෂණය කරන ලද කොළඹ ත්‍රාසජනක චිත්‍රපටයේ රඟපෑවේ සොරෙකුගේ ප්‍රධාන චරිතයයි.

රංගනයෙන් ඔබ්බට

2009 දී ඔහු ස්පාඤ්ඤයේ "ද මොඩ්ල් ඔෆ් ද වර්ල්ඩ් (The Model of the World)" සඳහා සහභාගී වූ අතර, තරඟය අතරතුර 'මේල් මොඩ්ල් ඔෆ් ද වර්ල්ඩ් (Male Model of the World) 2009' යන මාතෘකාව මෙන්ම 'බෙස්ට් ග්ලැමර් (Best Glamour)' සහ 'බෙස්ට් කැට්වෝක් (Best Catwalk)' යන සම්මානයද දිනා ගත්තේය.

2010 දී රණසිංහ මහතා මිස්ටර් ශ්‍රී ලංකා කිරුළ දිනූ අතර කොරියාවේ පැවති මිස්ටර් වර්ල්ඩ් 2010 හිදී ශ්‍රී ලංකාව නියෝජනය කළේය. මෙරට පැවැත්වෙන කොළඹ විලාසිතා සතිය සහ ශ්‍රී ලංකා මෝස්තර උළෙල (Sri Lanka Design Festival) සඳහාද ඔහු වාර්ෂිකව සහභාගී වෙයි.^{[තහවුරු කර නොමැත]} 2018 දී, ඔහු ශ්‍රී ලංකාවේ පීපල්ස් ලීසිං සහ ෆිනෑන්ස් සහ OXY හි සන්නාම තානාපති ලෙස පත් කරන ලදී.

2011 දී ඔහු ස්වර්ණවාහිනී ඩාන්ස් ස්ටාර්ස් ඩාන්ස් තරඟයට සහභාගී විය. හේමාල් මාස ගණනක් තරඟ කිරීමෙන් පසු තරඟයේ පළමු අනුශූරතාවය දිනා ගත්තේය.^{[තහවුරු කර නොමැත]} ඔහු "හිරු සුපර් ඩාන්සර්" රියැලිටි තරඟයේ විනිශ්චයකරුවන් තිදෙනාගෙන් කෙනෙකු ලෙසද කටයුතු කරයි.

චිත්‍රපටකරණය

වසර	චිරපටය	භූමිකාව	Ref.
2012	සුපර් සික්ස්	සනත්
2015	ප්‍රවේගය	හේමාල් සූරියබණ්ඩාර
	ඇඩ්‍රස් නෑ	කාලිංග
2016	ආදරණීය කතාවක්	අභිමාන ජයවර්ධන
	සූම්	නිසල්
2017	බන්ධනය	ජයසෝම
	දේදුනු ආකාසේ	සමුද්‍ර
2019	තාල	අසේල
	විජයබා කොල්ලය	නයනානන්ද
	යූ ටර්න්	පොලිස් පරීක්ෂක රංග දසනායක
2021	Colombo	ඔස්කාර්
2023	1970 ලව් ස්ටොරි
අයිස් ක්‍රීම්
සිහිනාභිෂේකය
ආශාවරී
මරියා

සම්මාන

ඔහු දේශීය සිනමා උළෙලවලදී සම්මාන බොහොමයක් දිනා ඇත.

දෙරණ සිනමා සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2016	ජනතා ඡන්දය	ජනප්‍රියම නළුවා	දිනාගති
2016	ප්‍රවේගය	විචාරක සම්මානය	දිනාගති
2018	ජනතා ඡන්දය	ජනප්‍රියම නළුවා	දිනාගති

හිරු රන් සිනමා සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2016	ජනතා ඡන්දය	ජනප්‍රියම නළුවා	දිනාගති
2016	ප්‍රවේගය	වඩාත්ම බලාපොරත්තු තබාගත හැකි නළුවා	දිනාගති
2018	ජනතා ඡන්දය	ප්‍රවණතා ඇතිකරන්නා	දිනාගති

සරසවිය සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2016	ප්‍රවේගය	ජූරි සම්මානය	දිනාගති
2016	ප්‍රවේගය	හොඳම නළුවා	නිර්දේශිත

ජනාධිපති සිනමා සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2017	ප්‍රවේගය	හොඳම නැගී එන නළුවා	දිනාගති

ස්ලිම් නීල්සන් ජනතා සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2018	ජනතා ඡන්දය	වසරේ නළුවා	දිනාගති
2018	ජනතා ඡන්දය	යෞවන තේරීමේ සම්මානය	දිනාගති
2019	ජනතා ඡන්දය	වසරේ නළුවා	දිනාගති
2019	ජනතා ඡන්දය	යෞවන තේරීමේ සම්මානය	දිනාගති
2020	ජනතා ඡන්දය	වසරේ නළුවා	දිනාගති
2020	ජනතා ඡන්දය	යෞවන තේරීමේ සම්මානය	දිනාගති
2021	ජනතා ඡන්දය	වසරේ නළුවා	දිනාගති
2021	ජනතා ඡන්දය	යෞවන තේරීමේ සම්මානය	දිනාගති

රූපවාහිනී රාජ්‍ය සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2016	ඊලගට මොකද වෙන්නේ	හොඳම සහය නළුවා	දිනාගති

සිග්නිස් සිනමා සම්මාන

වර්ෂය	නිර්දේශිත පුද්ගලයා/කෘතිය	සම්මානය	ප්‍රතිඵලය
2017	ආදරණිය කතාවක්	හොඳම නළුවා	නිර්දේශිත