එම්ප්‍රස් චොන්චු

එම්ප්‍රස් චොන්චු
මෙලෙසද හැඳින්වේ	The Iron Empress
රචනය කලේ	සොන් යොං-මොක් ලී සං-මින් කං යොං-රන්
අධ්‍යක්ෂණය කලේ	ෂින් චං-සුක් හ්වං ඉන්-හ්‍යුක්
රඟපෑම	චේ ෂි-රා කිම් සුක්-හූන් චෝයි ජේ-සුං ලී දොක්-හ්වා කිම් හෝ-ජින් ෂින් ඒ
ඇරඹුම් තේමාව	"ඕපනිං" (විවිධ ශිල්පීන් විසිනි)
සම්භව රට	දකුණු කොරියාව
කථාංග ගණන	78
නිෂ්පාදනය
විධායකනිෂ්පාදක(යෝ)	කිම් වොන්-යොං
නිෂ්පාදක(යෝ)	ජින් හ්‍යුං-වූක්
කැමරා සැලැස්ම	බහු-කැමරා
ධාවන කාලය	සෙනසුරාදා සහ ඉරිදා 21:30ට
ප්‍රචාරණය
මුල් නාලිකාව	KBS2
රූප ආකෘතිය	1080i HDTV
මුල් ධාවනය	ජනවාරි 3, 2009 – සැප්තැම්බර් 27, 2009
කාලානුක්‍රමය
පූර්වගමනය වනුයේ	King Sejong the Great
අනුගමනය වනුයේ	Hot Blood
බාහිර සබැඳි
වෙබ් අඩවිය

එම්ප්‍රස් චොන්චු (කොරියානු: 천추태후; හන්ජා: 千秋太后; ප්‍රරෝ: චොන්චු තේහු; ද අයන් එම්ප්‍රස් ලෙස ද හඳුන්වයි) යනුවෙන් හැඳන්වෙන්නේ 2009දී විකාශය වූ දකුණු කොරියානු කාලාන්තර ඓතිහාසික රූපවාහිනී කතාමාලාවකි. මේ සඳහා පාදක කොට ගෙන ඇත්තේ හොන්ඒ රැජින නැමැති සත්‍ය ඓතිහාසික චරිතයකි. සිය මුතුන්මිත්තන් විසින් වීර්යයෙන් යුතුව ගොඩනැගූ දේශය රැක ගැනීමට ඇය ගෙනගිය සදාතනික අරගලය මින් නිරූපණය වේ.ගොර්යෝ රාජවංශයේ ආදි කර්තෘවරයා වූ තේජෝ වංගොන්ගේ මිණිපිරිය වූ මෙම අධිරාජිනිය, රාජවංශයේ හත්වන පාලකයා වූ ඇගේ පුත් මොක්ජොං රජු වෙනුවෙන් අනුරාජයා ලෙස කටයුතු කළා ය. ගොර්යෝ රාජධානිය වෙනුවෙන් වූ ඇගේ අභිප්‍රායයන් වටහාගන්නා ඇය, යුධ සන්නාහ පැළඳ විදේශීය ආක්‍රමණිකයන්ට එරෙහිව යුධ බිමේ සටන්වැදුණා ය. බලයට පැමිණීමේ දී ඇය විසින් ඇගේ පෙම්වතා, ඇගේ පුත්‍රයා සහ සොහොයුරාව යටපත් කරන ලදී.

මෙම මාලා නාට්‍යය සඳහා පාදක කොටගෙන ඇත්තේ ඉතිහාසයේ එන, ගොර්යෝ රාජධානියේ චොන්චු අධිරාජිනිය නැමැති වැන්දඹු රජබිසවගේ චරිතයයි. වසර ගණනාවක් පුරා ඛිටන්වරුන් සහ ඇතැම් ජුර්චෙන්වරුන් වැනි වෙනත් ගෝත්‍ර සහ රාජධානි විසින් අත්පත් කරගැනීම නිසා සිය රාජධානියට අහිමිව තිබූ භූමිය යළි සන්තක කරගැනීමට ඇගේ මුත්තණුවන්ට වූ පෞද්ගලික සිහිනය යතාර්ථයක් බවට පත් කිරීම වෙනුවෙන් ඇය ලියාඕ රාජවංශයට එරෙහිව සටන් වැදුණා ය.

මෙම කතාමාලාව ප්‍රධාන වශයෙන් සිය පුත්‍රයාගේ (පසුව මොක්ජොං යන නාමයෙන් හැඳින්විණි) ප්‍රසාදය දිනා ගනිමින් ඔහුට සිය බලපෑමට නතු කරගැනීමට ඇයට ඇති අභිප්‍රාය කේන්ද්‍ර කර ගනිමින් නිර්මාණය වී ඇත. ඇගේ සොහොයුරා වන ගොර්යෝහි සොංජොං රජු සිය බෑණනුවන් තමන්ගෙන් පසු පාලකයා වශයෙන් කටයුතු කරනු දැකීමට අදහස් කිරීමට එයට හේතුවයි. සිය බෑණනුවන්ව අනාගත අධිරාජයා ලෙස සූදානම් කරවීමට ඔහුගේ මෑණියන් වූ චොන්චු ‍නුසුදුසු යැයි තීරණය කළ සොංජොං අධිරාජයා, ඔහුව සිය දරුවන් නොමැති භාර්යාව අතට පත්කළේ තමන්ගේම පුත්‍රයා ලෙස හදා වඩා ගැනීමටයි.

මෙම තීරණය සොංජොං සහ ඔහුගේ සොයුරිය අතර විශාල අරගලයක් සඳහා හේතු වේ. ඔවුන් දෙදෙනා එක්ව සහයෝගයෙන් යුතුව ඛිටන් ආක්‍රමණය වැනි බාහිර තර්ජනවලින් ද, නොයෙකුත් රාජ මාලිග කුමන්ත්‍රණ සහ බල අරගල වැනි අභ්‍යන්තර තර්ජනවලින් ද රාජ්‍යය රැක ගැනීමට දැරූ උත්සාහයට මෙය බාධාවක් වේ.

මෙම කතාමාලාව තුළ නොයෙකුත් ස්වාධීන උත්සාහයන් නිර්මාණය කොට ඇති බව පෙනේ. ඉන් සුලබ උත්සාහයක් ලෙස මොක්ජොංහට අපස්මාරය ඇති බවට පෙන්වා තිබීම දැක්විය හැක. පසුකාලීනව ගං ජෝ සෙන්පතියා විසින් ඔහුව රාජ්‍ය පාලනයෙන් ඉවත් කිරීමට ද හේතුව එය ලෙස මෙහි දක්වා තිබේ. නමුත් මොක්ජොං රජුට අපස්මාරය පැවති බව සනාථ කෙරෙන කිසිදු ඓතිහාසික සාක්ෂියක් හමු නොවේ.

• චේ ෂි-රා, හ්වංබෝ සූ / චොන්චු අධිරාජිනිය ලෙස
• කිම් සුක්-හූන්, කිම් චි-යැං ලෙස
• චෝයි ජේ-සුං, ගං ජෝ ලෙස
• ලී දොක්-හ්වා, සෙන්පති ගං ගම්-චන් ලෙස
• කිම් හෝ-ජින්, වං උක් / ග්යොංජු කුමරු (ග්යොංජුවොන්ගුන්) ලෙස
• ෂින් ඒ, හ්වංබෝ සෝල් / හොන්ජොං අධිරාජිනිය ලෙස (අධිරාජිනියගේ බාල සොයුරියයි)