පුෂ්පගිරි විහාරය

පුෂ්පගිරි
ගිරි මුහුණතෙහි වූ කැටයම්
ඔඩිෂා තුල පිහිටීම ඔඩිෂා සිතියම පෙන්වන්න පුෂ්පගිරි විහාරය (ඉන්දියාව) ඉන්දියාව සිතියම පෙන්වන්න
මූලික තොරතුරු
පිහිටීම	ඉන්දියාව
භූගෝලීය ඛණ්ඩාංක	20°43′22″N 86°11′25″E / 20.722739°N 86.190338°E / 20.722739; 86.190338
අනුබැඳියාව	බුද්ධාගම
ජනපදය	ඔඩිෂා
තත්ත්වය	සංරක්ෂිත

පුෂ්පගිරි (ඔඩියා: ପୁଷ୍ପଗିରି) යනුවෙන් හැඳින්වෙන්නේ ඉන්දියාවේ ඔඩිෂා හි ජාජ්පූර් දිස්ත්‍රික්කයේ ලංගුඩි කඳුගැටයේ පිහිටි පුරාතන බෞද්ධ මහාවිහාර සංකීර්ණයකි. චීන දේශාටක හියුංසාංගේ (ආ. 602 – ආ. 664) සහ වෙනත් මූලාශ්‍රවල පුෂ්පගිරි විහාරය පිළිබඳ සඳහන් වේ. 1990 දශකය තෙක්ම විශ්වාස කෙරුණේ ජාජ්පූර් දිස්ත්‍රික්කයේ පිහිටි ලලිත්ගිරි-රත්නගිරි-උදයගිරි විහාර සමූහයම හෝ ඉන් එකක් හෝ පුෂ්පගිරි විහාරයට අයත් බවයි. මෙම ස්ථානවල බොහෝ ගොඩනැගිලි, විවිධ ප්‍රමාණවලින් යුත් ස්තූප, ප්‍රතිමා සහ අනෙකුත් කලාකෘති ගණනාවක්ම දක්නට ලැබේ.

කෙසේනමුත්, 1996-2006 අතර කාලයේ ලංගුඩි කඳුවල සිදුකළ පුරාවිද්‍යාත්මක කැනීම්වල දී පුෂ්ප සභාර් ගිරිය යනුවෙන් අභිලේඛනවල සඳහන් වන මෙම විහාරය සොයාගැනිණි. මෙය පුෂ්පගිරිය බව වර්තමාන විද්වතුන්ගේ මතයයි. මේ වනවිට මෙම අඩවිය, සංචාරක කර්මාන්තයට විවෘත කොට ඇත.