ඇබයිඩොස් රාජාවලිය, හෙවත් ඇබයිඩොස් වගුව හෝ ඇබයිඩොස් ඵලකය යනුවෙන් හැඳින්වෙන්නේ පුරාතන ඊජිප්තුවේ රජවරුන් 76 දෙනකුගේ නම් ඇතුළත් ලැයිස්තුවකි. මෙය ඊජිප්තුවේ ඇබයිඩොස් හි පළමුවන සෙටිගේ දෙවොලෙහි බිත්තියක කැටයම් කොට ඇත. මෙහි කාර්ටුෂ (රජුගේ නම වටා ඇති බෝඩරය) 38 බැගින් තීර තුනක් ඇතුළත් කොට ඇත. මෙහි පළමු තීරු දෙකෙහි රජවරුන්ගේ නම් ඇතුළත් අතර, තෙවන තීරයෙහි පළමුවන සෙටි රජුගේ සිංහාසන නාමය සහ දෙවන නාමය නැවත සටහන් කොට තිබේ.