යාන්ත්‍ර විද්‍යාවෙහිදී සහ භෞතික විද්‍යාවෙහිදී, ප්‍රත්‍යාස්ථතාව පිළිබඳ හුක්ගේ නියමය යනු, දුන්නක විතතිය එය මත යෙදෙන භාරයට අනුලෝම වශයෙන් සමානුපාතික බව පැවසෙන සන්නිකර්ෂණයකි. ද්‍රව්‍යය වෙත යෙදෙන භාරය, එම ද්‍රව්‍යයේ ප්‍රත්‍යාස්ථ සීමාව ඉක්මවන්නේ නැති තාක්, බොහෝ ද්‍රව්‍යයන් මෙම නියමය පිළිපදිති. හුක්ගේ නියමය ප්‍රයෝජනවත් සන්නිකර්ෂණයක් වන්නාවූ ද්‍රව්‍යයන් රේඛීය-ප්‍රත්‍යාස්ථ හෝ "හුක්යානු" ද්‍රව්‍යයන් ලෙසින් හැඳින්වෙති.
