එලිෆන්ටා ලෙන් යනුවෙන් හැඳින්වෙන්නේ ප්රධාන වශයෙන් ශිව දෙවියන් උදෙසා කැපකළ ලෙන් දේවාල සමූහයක් වන අතර එය යුනෙස්කෝ ලෝක උරුම අඩවියක් ද වේ. මේවා පිහිටියේ ඉන්දියාවේ මහාරාෂ්ට්ර ප්රාන්තයේ මුම්බායි සිට 10 කිලෝමීටර (6.2 mi) පමණ නැගෙනහිරින් මුම්බායි වරාය අසල පිහිටි එලිෆන්ටා දූපත හෙවත් ඝරපූරි (අර්ථය "ගිරි නගරය") හි ය. ජවහර්ලාල් නේරු වරායට 2 කිලෝමීටර (1.2 mi) පමණ බටහිරින් පිහිටි මෙම දූපතේ හින්දු ලෙන් පහක් සහ ක්රි.පූ. 2වන සියවසට පමණ අයත් බෞද්ධ ස්තූප නටබුන් ගොඩැලි කිහිපයක් මෙන්ම දිය පොකුණු සහිත කුඩා බෞද්ධ ලෙන් ද්විත්වයක් ද පිහිටා ඇත.
| යුනෙස්කෝ ලෝක උරුම අඩවිය | |
|---|---|
 6 මීටර (20 ft) උසැති ත්රිමූර්තිය | |
| පිහිටුම | එලිෆන්ටා දූපත, මහාරාෂ්ට්ර, ඉන්දියාව |
| නිර්ණායකය | සංස්කෘතික: i, iii |
| මූලාශ්ර | 244 |
| අභිලේඛනය | 1987 (11 වන සැසිය) |
| ඛණ්ඩාංක | landmark_region:IN 18°57′49″N 72°55′53″E / 18.96353606039862°N 72.93137752883608°E |
 එලිෆන්ටා ලෙන්වල පිහිටීම එලිෆන්ටා ලෙන් (මහාරාෂ්ට්ර) එලිෆන්ටා ලෙන් (මුම්බායි) | |
එලිෆන්ටා ලෙන්වල ඇති ශෛලකර්ම ගෘහනිර්මාණ සහ ප්රතිමා අංගවලින් හින්දු සහ බෞද්ධ සංකල්ප හා ප්රතිමා කලාවේ සම්මිශ්රණයක් පෙන්වයි. මෙම ලෙන් සාරා ඇත්තේ ඝන බැසෝල්ට් පාෂාණයෙහි ය. කිහිපයක් හැරුණුවිට මෙහි බොහෝ කලා නිර්මාණ විනාශ වී ඇත. ප්රධාන දෙවොලෙහි දිශානතිය සහ අනෙක් දේවාලවල සාපේක්ෂ පිහිටීම මණ්ඩල රටාවක් පෙන්වයි. මෙහි වූ කැටයම් මඟින් හින්දු පුරාණෝක්ති කථාවන් නිරූපණය වන අතර, එහි වූ විශාල ඒකශිලාමය 20 feet (6.1 m) ත්රිමූර්ති සදාශිව, නටරාජ සහ යෝගීශ්වර කැටයම් ඉතා ප්රසිද්ධ ය.